Í blaðnum hesa ferð:

Í blaðnum hesa ferð eru ymiskar samrøður. Samrøða við Jenis av Rana, landsstýrismann, sum sigur, at happing skal basast alt fyri eitt, við Jacob Eli S. Olsen, formann Lærarafelagsins, um námsfrøðiligu leiðsuútbúgvingina, við Miriam N. Johannesen og Astrið Breckmann, lærarar í týskum, um týdningin, at næmingar læra fremmandamál, og við Regin Marnersson, skúlastjóra, um framúrgóðu uttandura umstøðurnar, sum fara at vera í Skúlanum á Fløtum. Fleiri greinir eru um sorgartilbúgving í skúlunum, og so er nýggjur klummuskribentur við fyri fyrstu ferð; tað er Ólavur Ellefsen, formaður í stýrinum fyri Fróðskaparsetrið, sum hugleiðir um forritan í skúlanum.