Kvøldseta í Løkshøll 5. oktobur 2023

5. oktobur – altjóða læraradagin – skipaði Føroya Lærarafelag fyri kvøldsetu í Skúlanum við Løkin við hópin av áhugaverdum innsløgum. Eitt nú greiddi Omondi Reagan Ayodo, lærari, frá, hvat eyðkennir skúlan í Kenja, haðani hann er ættaður, Skála skúli og Runavíkar kommunuskúli, sum báðir hava vunnið Veðurlagsvirðisløn Føroya Lærarafelags, høvdu framløgu um veðurlagsverkætlanir sínar, Gunnhild Dahl Niclasen, sum er annar av rithøvundunum á bókini, Matur – okkara virðismikla tilfeingi, hevði framløgu um evnið. Harumframt vórðu fleiri tónleikainnsløg. Jónleif Johannesen leiddi tiltakið.