Í morgin er aðalfundur í Lærarafelagnum

Formalsvalið er avgreitt, tí eingin stillar upp ímóti verandi formanni, Herálvi Jacobsenm sum bjóðar seg fram aftur. Men fýra fólk bjóða seg fram at manna tveir nevndarsessir.

24.03.2017

Til nevndina standa Maria V. Hansen, sum er kassameistari í nevndini, og Jákup av Skarði, sum er næstformaður, fyri vali. Maria V. Hansen, sum hevur sitið í nevndini síðan 2007, stillar ikki uppaftur. Tey, sum stilla upp til nevndarvalið, eru Jákup av Skarði, fyrstilærari í Nólsoyar skúla, Jona Højsted, lærari á Skúlatrøð í Klaksvík, Rani Skaalum, lærari í Skúlanum á Løgmannabreyt í Hoyvík, og Carl Eli Samuelsen, lærari í Eysturskúlanum í Havn.

Aðalfundurin verður í Skúlanum við Løgmannabreyt, hann byrjar kl. 10.00 í morgin ári. Á skránni er eisini árligi limafundurin í Stuðulsgrunni Lima Føroya Lærarafelags.
Fundarskráin fyri aðalfundin er sambært viðtøkum felagsins.

Gestarøðaðar í ár verða Rigmor Dam, landsstýriskvinna við skúlamálum, og Sigri M. Gaini, lærari og cand. ped. í heimspeki.

Savnsmynd av Skúlanum við Løgmannabreyt: Rói Jacobsen