Áhugaverdir fyrilestrar

Í morgin vera fyrilestrar fyri námsfrøðingum, lærarum, skúlastýrislimum og øðrum, sum hava áhuga í frálæru við støði í hugtøkunum burðardygd og nærumhvørvi

13.01.2017

Leygardagin 14. januar kl. 15 - 16.30 halda tríggjar listakvinnur og lærarar við Listaháskúla Íslands fyrilestrar um royndir, sum gjørdar eru innan íslenska skúlaverkið at grunda frálæru á hugtøkini burðardygd og nærumhvørvi.

Umframt ástøðiligar hugleiðingar verður komið inn á nýggju íslendsku námsætlanina, nortið verður við frálæru uttan skúlagáttar, og ríku møguleikarnir í staðbundnum tilfari og tilfeingi verða umrøddir.

Fyrilesarar eru Ásthildur Jónsdóttir, Guðný Rúnarsdóttir og Gunndís Ýr Finnbogadóttir.

Fyrilestrarnir verða hildnir á annaðhvørt enskum ella føroyskum.

Atgongd er ókeypis, og øll eru hjartaliga vælkomin.

Tiltakið, sum grunnurin Nuuk-Reykjavík-Tórshavn hevur stuðlað, verður í Aðalkonsuláti Íslands, Ydun, Reyngøtu 9 í Tórshavn.

Savnsmynd