Tíðaravmarkað lærarastarv í Vestmanna skúla - skúlaárið 2024/2025

Ert tú eldhugaður lærari, ið brennir fyri at gera mun? Kundi tú hugsað tær at verið partur av einum ágrýtnum og kreativum toymi, har yrkisføri er í hásæti? So er Vestmanna skúli rætta arbeiðsplássið til tín.

Søkt verður eftir lærara í tíðaravmarkað starv, setanarbrøkur er uml. 0,5. Tíðarskeiðið er frá 29. Januar 2025 til 20.06 2025.

Skúlin hevur tørv á lærara, sum millum annað kann undirvísa í og náttúru og tøkni.

Vestmanna skúli er ein miðalstórur skúli við 170 næmingum, sum virka í einum stuðlandi og mennandi læruumhvørvi. Skúlin er rótfestur í bygdarmentanini og liggur í náttúruvøkrum umhvørvi, beint við Gjógvará og viðarlundina, eitt hanagleiv frá bæði sandinum og haganum.

Vit leggja dent á at hava fakliga høgt støði, har næmingar og lærarar tráa eftir at røkka langt í felag. Skúlin er merktur av einum felagsskapi, har lærararnir altíð eru til reiðar at førleikamenna seg og royna nýggjar undirvísingarleiðir.

Vit leita eftir tær sum hevur hesar førleikar

megnar at samstarva og samskifta
er til reiðar at menna teg og skúlan
hevur ein jaligan hugburð til næmingar og undirvísing
dugir at fevna um ymisleikan og taka ábyrgd

Førleikakrøv

Tann, ið settur verður, skal hava læraraprógv og førleika at undirvísa í omanfyrinevndu lærugrein.

Barnaváttan krevst í samband við setanina.

Lønar- og setanartreytir

Lærarastarvið verður sett sum sáttmálasett starv, uttan so at tann, sum settur verður, er tænastumannasettur lærari frammanundan. Starvið verður sett í lønarflokkunum 18.1-29.2 sambært avtalu millum Føroya lærarafelag og Fíggjarmálaráðið.

Umsóknir við CV, avrit prógvum og møguligum viðmælum skulu vera skúlanum í hendi í seinasta lagi  kl. 12:00

Umsóknir verða stílaðar til Kristionnu Vinniedóttir, skúlastjóra á kristianna.vinniedottir@skulin.fo. Meira fæst at vita um starvið við at ringja til Kristionnu á tlf. 230100.