Pangea-kappingin nærkast

Nú er klárt at melda seg til Pangea-kappingina. Freistin at siga frá luttøku er fríggjadagin 13. desember á midnátt.

17.11.2024

Undanumfarið verður hildið í tíðarskeiðinum 13.-17. januar. Hálvfinalan verður 22. februar 2025 og finalan verður 22.mars 2025.

Í fjør tóku 1462 næmingar frá 3. til 9. flokk lut í kappingini. Kappingin byrjaði við undanumfari í januar á skúlunum runt landið. 70 næmingar, t.e. 10 úr hvørjum floksstigi, komu víðari til annað umfar. Av hesum komu fimm luttakarar úr hvørjum floksstigi víðari til finaluna.

Vanliga er hørð kapping í fleiri floksstigum, og tað kemur eisini fyri, at stigamunurin er lítil.

Tað ber til at fylgja Pangea-kappingini her: https://www.facebook.com/PangeaFO

Á myndini eru allir vinnararnir frá í fjør saman við landsstýrismanninum við barna- og útbúgvingarmálum.