Nú kunnu lærarar taka eykaprógv í føroyskum
Skúlaárið 2016/17 skipar Mentamálaráðið í samstarvi við Fróðskaparsetur Føroya fyri skeiði í føroyskum fyri føroyskar fólkaskúlalærarar, ið hava útlendskt læraraprógv. Skeiðið verður hildið á Námsvísindadeildin.24.06.2016
Útlendskir lærarar, sum eru í starvi ella søkja starv í Føroyum, hava eisini møguleika at luttaka. Fortreytin er, at viðkomandi hava ognað sær kunnleika í føroyskum, sum í minsta lagi svarar til 9. flokk. Skeiðið, sum er grundin undir eykapróvtøku í føroyskum, fevnir í høvuðsheitum um málpartin í kravda grundskeiðnum í føroyskum eftir gomlu læraraútbúgvingini.
Undirvísingin
Skeiðið verður skipað sum vikuskiftisskeið eina ferð um mánaðin, annars sum fjarlestur. Lesandi eru saman frá kl. 13.00 – 17.00 fríggjadag og frá kl. 09.00 – 15.00 leygardag. Skeiðið verður hildið á Námsvísindadeildini og byrjar 24. august 2017 kl. 10.00. Lærari á skeiðnum verður Jonhard Mikkelsen.
Innihald
1. Partur
Undirvíst verður í stavsetingarreglum. Tilfarið verður grundað rættskrivingarreglurnar í Føroysk orðabók J.H.W.Poulsen o.o. Fyrsti partur av Grundskeiði í føroyskum eftir Jonhardi Mikkelsen verður lisin.
2. Partur
Undirvíst verður í orðfeingi og málbót. Tilfarið verður m.a. grundað á Orð og orðað eftir Svenning Tausen og annar og triði partur av Grundskeiði í føroyskum eftir Jonhard Mikkelsen verður lisin.
3. Partur
Fatar um orðalagslæru. Brúktar verða: Orðalagslæra Jeffrei Henriksen og Ein ferð inn í føroyskt eftir Kára Davidsen og Jonhard Mikkelsen.
4. Partur
Í fjórða parti verða tættirnir í teimum fyrru trimum stigunum flættaðir saman.
Tvær vikur eftir, at málskeiðið er liðugt, verður skrivlig 5-tíma próvtøka, sum verður dømd við próvtali.
Fyrispurningar um skeiðið kunnu sendast til Janus Jensen, Fróðskaparsetur Føroya, janusj@setur.fo. og Jenny Lydersen, Mentamálaráðið, jenny@mmr.fo. Umsøkjarar boða frá luttøku í teldubrævi hjá gunnvore@mmr.fo í seinasta lagi 7. juli 2016. Skeiðið er tó treytað av, at í minsta lagi 15 luttakarar tekna seg til skeiðið.
