Hvar skulu sparingarnar í fólkaskúlanum finnast?

Bárður á Lakjuni, løgtingsmaður fyri Fólkaflokkin, hevur sett Djóna N. Joensen, landsstýrismanni við barna- og útbúgvingarmálum, munnligan fyrispurning sambært § 52 í Tingskipanini um sparingar í fólkaskúlanum.

20.11.2024

Løgtingsmaðurin vil vita, hvussu stórar sparingar verða í játtanini til fólkaskúlan næsta ár, og hvar hesar skulu finnas. Hann vil eisini vita, hvussu verður við t tvílæraraskipanini.

Í viðmerkingum til fyrispurningin sigur løgtingsmaðurin:

- Játtanin til fólkaskúlan verður skerd munandi næsta ár, hóast mann áður hevur meldað út, at mann fór at raðfesta fólkaskúlan. Landsstýrismaðurin verður biðin um at greiðanneyvari frá, hvar hesar sparingar fara at raka.

 

Leinkja til svarið: https://www.logting.fo/mal/mal/?id=11018