Formaður í Lærarafelagnum heldur fram
Í dag er síðsta freist at bjóða seg fram sum nevndarlim og formansvalevni í Føroya Lærarafelag09.04.2022
Á aðalfundinum í Føroya Lærarafelag 30. apríl er formansval og nevndarval á skránni. Jacob Eli S. Olsen, sum hevur verið formaður í felagnum seinastu trý árini, bjóðar seg fram aftur. Eingi mótvalevni eru, og tí heldur hann fram komandi trý árini. Hann hevur verið í nevndini síðan 2015.
Andrea á Rípuni, sum hevur verið næstforkvinna seinastu trý árini, og Tórhallur við Gil, sum hevur verið skrivari í tvey skeið, standa fyri vali. Andrea á Rípuni, sum hevur verið í nevndini fleiri skeið, stillar ikki upp aftur. Tórhallur við Gil bjóðar seg fram aftur, og tað gera fýra onnur valevni eisini.
Valevnini skipað í bókstavarað:
Annbritt Toftegaard, skúlastjóri í skúlanum á Giljanesi
Augusta Egholm Petersen, lærari í Vestmanna skúla
Eyðbjartur Skaalum, lærari í skúlanum á Argjahamri
Oluf Müller, lærari í Hoyvíkar skúla
Tórhallur við Gil, lærari í Runavíkar kommunuskúla
Aðalfundurin verður 30. apríl á Hotel Føroyum; tveir gestarøðarar vera, annar er fyrrverandi formaðurin í danska lærarafelagnum, Anders Bondo Christensen, og hin landsstýrismaðurin við skúlamálum.
