Aslaug Olsen skúlastjóri í Sankta Frans skúla

Landsstýriskvinnan í mentamálum, Rigmor Dam, hevur sett Aslaug Olsen í starvið sum skúlastjóri í Sankta Frans skúla.

27.01.2017

Aslaug Olsen er 52 ára gomul og tók læraraprógv í 2002. Harumframt hevur hon tikið Merkonom og Diplomútbúgving í leiðslu umframt ymisk skeið í leiðslu og námsfrøði.

Aslaug Olsen hevur verið skúlaleiðari í Hvalvíkar Skúla í 12 ár umframt at hava verið virkandi skúlastjóri í Stranda Skúla seinasta árið.

Aslaug tekur við starvinum sum skúlastjóri í Sankta Frans Skúla tann 1. februar 2017.