8 umsóknir til fyrstilærarastørvini
Velbastaðar skúli og Skála skúli fáa nýggjan fyrstilærara komandi skúlaár19.04.2018
Tá ið freistin at søkja størvini var úti mánadagin, vóru 5 umsóknir komnar inn til fyrstilærarastarvið í Velbastaðar skúla og 3 umsóknir til fyrstilærarastarvið í Skála skúla.
Bæði størvini eru farloyvisstørv til setanar í tíðarskeiðinum frá 1. august 2018 til 31. juli 2019. Í Velbastaðar skúla eru 46 næmingar í 7 árgangum, og 4 lærarar í føstum starvi starvast í skúlanum. Í Skála skúla eru 75 næmingar í 7 árgangum, og 7 lærarar í føstum starvi starvast í skúlanum.
