4 bjóða seg fram til nevndina
Freistin at bjóða seg fram til nevndina í Føroya Lærarafelag 6. apríl var úti leygardagin18.03.2019
Formansval og nevndarval eru á skránni, tá ið lærarar koma saman á aðalfundi í felagnum 6. apríl klokkan 10. Herálvur Jacobsen, sum hevur verið formaður í nevndini seinastu 8 árini, stillar ikki uppaftur. Eittans valevni er til formanssessin, tað er Jacob Eli S. Olsen, sum hevur verið næstformaður.
Nevndarlimirnir, sum standa fyri vali hesa ferð, eru Carl Eli Nolsøe Samuelsen og Jona Højsted; tey eru lærarar ávikavist í Eysturskúlanum í Havn og Skúlatrøð í Klaksvík. Carl Eli Nolsøe Samuelsen og Jona Højsted bjóða seg fram aftur, og umframt bjóða
Jákup av Skarði, fyrstilærari í skúlanum í Nolsoy, og Tórhallur við Gil, lærari í Runavíkar kommunuskúla, seg eisini fram.
Fundarskrá verður sambært viðtøkum felagsins.
Aðalfundurin verður á Hotel Føroyum hesa ferð.
Mynd: Birgir Kruse
