Tíðindi

Í morgin er aðalfundur í Føroya Lærarafelag

Áhugin at koma á aðalfund í ár er methøg

05.04.2019

Nevndarlimirnir, sum standa fyri vali hesa ferð, eru Carl Eli Nolsøe Samuelsen og Jona Højsted; tey eru lærarar ávikavist í Eysturskúlanum í Havn og Skúlatrøð í Klaksvík. Carl Eli Nolsøe Samuelsen og Jona Højsted bjóða seg fram aftur, og umframt bjóða Jákup av Skarði, fyrstilærari í skúlanum í Nolsoy, og Tórhallur við Gil, lærari í Runavíkar kommunuskúla, seg eisini fram.

Formaðurin síðstu 8 árini, Herálvur Jacobsen, stillar ikki uppaftur. Eittans valevni er til formanssessin, tað er Jacob Eli S. Olsen, sum hevur verið næstformaður.

Gestarøðarar verða Páll Isholm, rektari á Studenta- og HF-skúlanum á Kambsdali, og Hanna Jensen, landsstýriskvinna við skúlamálum.

Vanliga taka um 150-200 lærarar lut á aðalfundinum; í ár hava 340 teknað seg, og tað svarar til umleið helvtina av limunum, sum arbeiða í fólkaskúlanum.

Aðalfundurin verður á Hotel Føroyum.

Á myndini er núverandi nevnd avmyndað.

 


Samband

Skúlablaðið

Pedda við Stein gøtu 9

100 Tórshavn

Tel. 23 57 73

Teldupostur: turid@bfl.fo ella skulabladid@lararafelag.fo


2015 © Bókadeildin. All rights reserved.