Tíðindi

Ungdómstingið viðger skúlamál

Trý av teimum 12 uppskotunum, sum Ungdómstingið viðger í dag og í morgin, eru mál, sum viðvíkja skúlanum

3. februar 2020

Í morgun sessaðust 32 ungfólk á Føroya Løgtingi at hava ungdómsting. Í dag og í morgin fara tey at viðgera 12 mál, har av trý eru mál, sum hava við skúlan at gera. Tey eru:

Uppskot til samtyktar um at fáa nýggja lærugrein í fólkaskúlanum, ið inniheldur samskifti um aktuel viðurskifti í samfelagnum

Uppskot til løgtingslóg um broyting í løgtingslóg um fólkaskúlan (Undirvísing í handaverki og list í framhaldsdeildini)

Uppskot til løgtingslóg um broyting í løgtingslóg um fólkaskúlan (Lækka tímatalið)

Formaður Føroya Lærarafelags, Jacob Eli S. Olsen, er seinnapartin í dag innkallaður at koma á fund í Mentanarnevndini at siga sína hugsan um hesi málini.

Onnur mál, tey fara at viðgera, snúgva um valrætt, ferðslu, plastnýtslu og annað.

Tey 32 ungfólkini, sum manna Ungdómstingið, koma úr Skúlanum á Giljanesi, Tvøroyrar skúla, Vágs skúla, Hoyvíkar skúla, Skúlanum við Løgmannabreyt og Nám X í Havn.

Hetta er sjeyndu ferð, at ungdómsting verður hildið í Føroyum.

Kunnið tykkum við málini her: https://logting.fo/casenormal/view.gebs?menuChanged=16&type=4&committeeId=0&caseNormal.id=4587

Mynd lænt frá in.fo

 


Samband

Skúlablaðið

Pedda við Stein gøtu 9

100 Tórshavn

Tel. 23 57 73

Teldupostur: turid@bfl.fo ella skulabladid@lararafelag.fo


2015 © Bókadeildin. All rights reserved.