Lækkandi barnatalið fer at síggjast aftur

20.04.2016

Á myndini síggja vit barnatalið í aldursbólkunum 0 til 17 ár. Tølini eru frá 2015. Á myndini sæst, at meðan flestu árgangir, í skúlaaldri, liggja oman fyri 700 børn, so liggja allir árgangirnir, undir skúlaaldur, niðan fyri 700 børn. Alt eftir, hvar í landinum vit eru, fer hetta at síggjast aftur í skúlabygnaðinum. Í størru skúlunum við færri sporum í hvørjum árgangi, í miðalstóru skúlunum við færri flokkum. Sambært fólkaskúlalógini er markið fyri 7-flokkaðum og ársbýttum skúla 115 næmingar og fleiri.