Leys størv

Lærarastarv og stuðulsstarv til skúlatilboðið Pallin í Sørvágs skúla

Søkt verður eftir einum lærara og einum námsfrøðingi til serskúlatilboðið Pallin í Sørvágs skúla.

1 lærara í tíðaravmarkað fulltíðar starv skúlaárið 2022/23
1 námsfrøðingi í tíðaravmarkað starv skúlaárið 2022/23 - setanarbrot 0,80

Frágreiðing um Pallin

Tilboðið er eitt samstarv millum Sernám, MMR og skúlarnar í Vágum at bjóða næmingum við avbjóðingum í fólkaskúlunum eitt nøktandi felagstilboð.
Í skúlatilboðnum ganga 12 næmingar úr skúlanum á Giljanesi og Sørvágs skúla.
Starvsfólkini arbeiða undir ábyrgd leiðslunnar í sjálvstýrandi toymum og skipa seg í samstarvi við allar partar.

Tey, ið sett verða skulu

verða fyrikomandi og hava jaligan hugburð mótvegis næmingunum
hava áræði at taka ábyrgd
duga at samstarva í toymum
duga at hugsa uttanfyri rammur – hugsa kreativt

Førleikakrøv - lærarin

Lærarin eigur at hava førleika at undirvísa grunddeild, miðdeild og hádeild annaðhvørt náttúrulærugreinar og/ella hugvísindalærugreinar.

Starvið verður sett sum sáttmálasett starv, uttan so, at tann, sum settur verður, er tænastumannasettur frammanundan.

Lærarastarvið er lønt sambært avtalu millum Føroya Lærarafelag og Fíggjarmálaráðið í lønarflokki 18.1 – 29.2.

Førleika krøv - námsfrøðingurin

Umsøkjari skal hava prógv sum námsfrøðingur, tó kunnu umsøkjarar, sum fáa prógv í summar søkja á jøvnum føti við tey, ið longu hava lokið prógv. Viðkomandi royndir kunnu vera ein fyrimunur.

Um eingin námsfrøðingur søkir starvið, kann annar umsøkjari setast í tíðaravmarkað starv sum hjálparfólk skúlaárið 22/23.

Námsfrøðingurin, ið settur verður, er løntur sambært avtalu millum Føroya Pedagogfelag og Fíggjarmálaráðið.

Nærri kunning um størvini fáast við at venda sær til Eyð Niclasen, skúlastjóra, á tel. 233222.

Umsóknir við avriti av prógvi, CV og møguligum viðmælum skulu stílast til eyd.niclasen@skulin.fo - viðmerk umsókn Pallurin.

Umsóknarfreistin er hósdagin 26. mai kl.12.00.


Samband

Skúlablaðið

Pedda við Stein gøtu 9

100 Tórshavn

Tel. 23 57 73

Teldupostur: turid@bfl.fo ella skulabladid@lararafelag.fo


2015 © Bókadeildin. All rights reserved.