Lærarar til Skúlan á Fløtum

Hevur tú hugsjónir og dirvi at ganga nýggjar leiðir, og megnar tú at standa á egnum beinum í einum sterkum starvsfólkahópi, so hevur tú møguleika at søkja eitt av leysu lærarastørvunum í Skúlanum á Fløtum.

3 føst størv við setan frá 1. august 2025. Setanarbrot 1

1 tíðaravmarkað starv skúlaárið 25/26 sum fastløntur vikarur við setanarbrotið 0,5 við møguleika fyri at hækka brotið gjøgnum árið vegna avlopstímar ella umskipanir.

Harumframt tørvar skúlanum 2 møguliga 3 tímasett størv sum vikarur við í minsta lagi 10-15 tímum um vikuna í miðal hvønn mánað sum sjúkravikarur og fastur avloysari. Hesi størvini kunnu eisini seinni umskipast til fastlønt størv vegna avlopstímar ella umskipanir gjøgnum árið. 

Føstu størvini eru fulla tíð; setanarbrotið fyri fastlønta vikarin er í minstalagi 0,5, men verður endaliga ásett 1. september.

Um størvini

Søkt verður eftir lærarum, sum undir ábyrgd leiðslunnar og í samstarvi við starvsfólk skúlans skal taka lut í dagliga virksemi skúlans innanfyri tær rammurnar sum virðisgrundarlag, mið og mál skúlans seta.

Vit vænta, at tú

Vit vænta, at tú hevur sett teg inn í virðisgrundarlag, mið og mál fyri Skúlan á Fløtum, og kennir teg aftur í hesum. Harumframt vænta vit, at tú tekur undir við kt-æltan skúlans og ert stinnur kt-brúkari og dugir væl at nýta m.a. Teams, Intowords, WiseFlow, allan M365 pakkan umframt bóka- og undirvísingarportalarnar, ið Nám og Dansk Gyldendal veita.

Tú mást duga at virka í toymi og vera fyrikomandi. Vera fús/ur at taka á teg tær uppgávur og avbjóðingar, ið eru í gerandisdegnum í skúlanum og áhaldandi vera við til at menna skúlan. 

Tú ert stundvís/ur og røkin og sært virðið í felagsskapinum og torir at bjóða mørkum av.

Førleikakrøv

Umsøkjari skal hava prógv sum lærari; tó kunnu umsøkjarar, sum fáa prógv í summar, søkja á jøvnum føti við tey, sum longu hava lokið prógv. Umsøkjara við viðkomandi starvsroyndum kunnu hava fyrimun.

Okkum tørvar flokslærara til hádeild og til grunddeild. Men tímar eru í grund-, mið- og hádeild.

Lærarar, ið kunnu undirvísa hesum lærugreinum hava fyrimun:

·       Motorlæru*, føroyskum, kristni, samfelagsfrøði, landafrøði og donskum í hádeild,

·       Føroyskum, enskum, donskum og smíð í miðdeild

·       Føroyskum, støddfrøði, list og heimstaðarlæru í grunddeild

Útiskúli er eitt av fokusøkjunum í grunddeild komandi árini, tí er tað eitt krav, at tú eisini kann vera ein partur av útiskúlanum, um tú skalt arbeiða í okkara grunddeild.

*Møguleiki er eisini at søkja sertakt um tímar í motorlæru hjá maskinistum, manskinmeistarum ella bilmekanikarum.

Lýsing av skúlanum 

Endamálið hjá Skúlanum á Fløtum er í samstarvi við heimið at skipa eitt fjølbroytt og samanhangandi skúlatilboð frá forskúla til loknan fólkaskúla á einum føroyskum grundvølli.

Skúlin á Fløtum byggir á grundtættirnar trivnað, treysti og áræði, og aðalmálið hjá skúlanum er lærdómur. Trivnaður, samstarv og felagsskapur eru megintættir í okkara mentan.

Dentur verður lagdur á at menna sálarliga, kropsliga, handaliga, listaliga og bókliga treystið, har hendur og hugur samantvinna leik og læru.

Vit vilja stimbra áræðið hjá okkara næmingum, so teir megna tær avbjóðingar, teir møta í samfelagnum, náttúruni og framtíðini. Tí eru nærsamfelagið, útiumhvørvið og tøkni ein natúrligur partur av skúlanum.

Í Skúlanum á Fløtum ganga væntandi um 780 næmingar í 0. – 9. flokki komandi skúlár.

Skúlin á Fløtum er partur av eini royndarverkætlan, komandi skúlaár við m.a. øðrvísi tíma- og lærugreinabýti, styttum skúladegi, dagførdari kt-strategi, útiskúla og betri vinum.

Lønar- og setanartreytir

Størvini eru lønt í lønarflokki 18.1 – 29.2  samb. avtalu millum Fíggjarmálaráðið og Føroya Lærarafelag. 
Størvini eru sett sum sáttmálasett størv, uttan so, at tann, sum settur verður, er tænastumannasettur lærari frammanundan.

Umsóknir

Umsóknir við avriti av prógvum, CV og møguligum viðmælum skulu sendast til reginm@saf.fo, merkt “Starv, lærari” í seinasta lagi fríggjadagin 25. apríl kl 13:00.

Væntandi verða samrøður í viku 18.

Nærri fæst at vita um størvini hjá Regini Marnersson á tlf. 216676 ella við at senda ein teldupost til reginm@saf.fo