Leys størv

Lærarar og námsfrøðingar til Skúlan við Løgmannabreyt

Skúlin við Løgmannabreyt søkir eftir samstarvshugaðum og fakliga dugnaligum lærarum og námsfrøðingum til skúlaárið 2019/20.

Søkt verður eftir lærarum og námsfrøðingum, sum:

duga at samstarva
eru fyrikomandi og sýna ein jaligan hugburð
dáma avbjóðingar og tora at ganga nýggjar leiðir
hava áræði til at taka ábyrgd

Søkt verður eftir:

3 lærarum í fast starv
5 lærarum í tíðaravmarkað starv skúlaárið 2019/2020 fyri lærarar í farloyvi, barnsburðarfarloyvi, vegna lækkað tímatal, eftirútbúgving og avlopstímar.
2 námsfrøðingum við setanarbroti 0,5
1 námsfrøðingi við setanarbroti 0,3

Endaliga tímatalið til eitt av tíðaravmarkaðu lærarastørvunum verður ikki ásett fyrr enn eftir 1. september 2019.

Skúlanum tørvar lærarar, ið m.a. kunnu átaka sær at undirvísa í innskúling, miðdeild og ítrótti/svimjing og námsfrøðingar til námsfrøðiligar uppgávur við næmingum, sum hava avbjóðingar, har arbeitt verður í flokkinum, smærri bólkum og ein til ein.

Førleikakrøv

Til størvini krevst læraraprógv ella prógv sum námsfrøðingur.

Skúlin bjóðar

Nútímans skúla
Starv við møguleika at bróta upp úr nýggjum
Góðar arbeiðsumstøður
Starvsfólkahóp, ið ikki ræðist avbjóðingar

Lønar- og setanartreytir

Lønar- og setanartreytir hjá lærarum eru sambært sáttmálanum millum Føroya Lærarafelag og Fíggjarmálaráðið. Størvini eru lønt í lønarflokkunum 18.1 – 29.2.

Lærarastørvini eru sáttmálasett, uttan so, at tann, ið sett/-ur verður, er tænastumannasettur lærari frammanundan.

Námsfrøðingar verða løntir sambært sáttmála millum Fíggjarmálaráðið og Føroya Pedagogfelag.

Umsóknir

Umsóknir saman við avriti av prógvi, skeiðum, frágreiðingum um arbeiðsroyndir og møguligum viðmælum skulu verða Skúlanum við Løgmannabreyt í hendi í seinasta lagi hósdagin 20. juni 2019, kl. 12.00.

Tú fært meiri at vita um størvini frá Høgna Joensen, skúlastjóra, á tlf. 214109.

Umsóknin verður stílað til:

Skúlin við Løgmannabreyt

Postrúm 3174

110 Tórshavn

ella við telduposti: hogni.joensen@skulin.fo

Um skúlan:

Skúlin við Løgmannabreyt er 2-sporaður skúli í Hoyvík. Næmingatalið er 425 í níggju árgangum. Í skúlanum starvast 40 lærarar, 2 námsfrøðingar, skrivari, 2 húsavørðar, 6 vaskifólk og heilsufrøðingur.

Eisini er frítíðarskúli til 1. og 2. flokk knýttur at skúlanum og frítíðartilboð til 3. flokk. Har arbeiða 12 námsfrøðingar og hjálparfólk.

Virðisgrundarlag skúlans er menning, virðing og yrkisføri.


Samband

Skúlablaðið

Pedda við Stein gøtu 9

100 Tórshavn

Tel. 23 57 73

Teldupostur: turid@bfl.fo ella skulabladid@lararafelag.fo


2015 © Bókadeildin. All rights reserved.