Í blaðnum hesa ferð:

Í nýggjasta blaðnum er samrøða við skúlastjóran í Skúlanum við Streymin, Sonna Djurhuus, um nýggja skúlan, og hvat tey á staðnum hava lagt dent á í byggingini av skúlanum. Samrøða er eisini við lærararnar í serflokkinum í Skúlanum við Streymin, Jóan Paula Jacobsen og Asbjørn Berthelsen, um týdningin av, at næmingar í serflokki kenna seg tryggar, hoyrdar og sæddar. Umrøða er eisini av stóra visjónsseminarinum í desember, tá ið Nám varpaði ljós á kt-didaktikk. Harumframt eru nógvar samrøður um, hvussu fólkaskúlarnir megnaðu avbjóðingina í fjør, tá ið undirvísingin flutti úr skúlastovuni inn í heimini hjá næmingunum gjøgnum talgildar pallar, og hvat vit hava lært hetta tíðarskeiðið.