Tíðindi

Jón Johannesen skúlastjóri í Tvøroyrar skúla

Jenis av Rana, landsstýrismaður í Uttanríkis- og mentamálum, hevur gjørt av at seta Jón Johannesen í starvið sum skúlastjóra í Tvøroyrar skúla frá 1. oktober 2019 at rokna.

1. oktober 2019

Jón Johannesen er 51 ára gamal og tók læraraprógv í 1998 á Fredriksberg Seminarium við linjugreinunum støddfrøði og ítrótti. Hann hevur starvast sum lærari í Søndervangskolen í Glostrup frá 1998 – 2002, sum lærari í Tvøroyrar skúla 2002 – 2016 og hevur seinastu trý árini verið varaskúlastjóri í Tvøroyrar skúla.

Jón Johannesen hevur m.a. UEFA-A-lisens venjaraútbúgving, har ein partur var leiðsla umframt ymisk skeið innan lærarayrkið.

Uttanríkis- og mentamálaráðið ynskir Jón Johannesen hjartaliga til lukku og blíðan byr í starvinum.


Samband

Skúlablaðið

Pedda við Stein gøtu 9

100 Tórshavn

Tel. 23 57 73

Teldupostur: turid@bfl.fo ella skulabladid@lararafelag.fo


2015 © Bókadeildin. All rights reserved.