Tíðindi

Fólkaskúlaráðið farið til verka

Tey, ið manna fólkaskúlaráðið komandi trý árini, hittust fyrstu ferð mánadagin 27. januar.

29.01.2020

Landsstýrismaðurin í skúlamálum, Jenis av Rana, hevur nú sett fólkaskúlaráðið. Mánadagin í vikuni hittust tey, sum mynda ráðið komandi trý árini fyrstu ferð; landsstýrismaðurin gjørdi ráðnum kunnugt, at hann vil hava ráðið at viðgera fleiri evni og gera tilmæli um tey. Næsti fundurin hjá nýggja fólkaskúlaráðnum verður í komandi viku, og tá er ætlanin at gera av, hvat tað fyrsta verður, sum ráðið fer undir at viðgera.

Tey, ið manna fólkaskúlaráðið komandi trý árini, eru hesi:

Vagn Foldbo, skúlastjóri og master í etikki og virðum í feløgum, sum verður formaður

Jóhannes Miðskarð, ph.d., adjunktur í námsfrøðiligari leiðslu

Gunnvør Højgaard, serlærari og master í lesi- og skrivididaktikki

Sonni Óli Djurhuus, skúlastjóri

Tom Joensen, fyrstilærari

Tóra Joensen, lærari og ráðgevi í handaverki og list

Jacob Eli S. Olsen, støddfrøðivegleiðari og formaður í Føroya Lærarafelag

Janus Vang, umboðandi Foreldrafelagið Heim & skúla

Maria á Boðanesi, lærari, akt- og ssp-lærari

Jenny Lydersen, undirvísingarleiðari og samskipari

Magnus Tausen, fultrúi í Undirvísingarstýrinum og skrivari

 


Samband

Skúlablaðið

Pedda við Stein gøtu 9

100 Tórshavn

Tel. 23 57 73

Teldupostur: turid@bfl.fo ella skulabladid@lararafelag.fo


2015 © Bókadeildin. All rights reserved.