Fólkaskúlar í Føroyum – úr tveimum næmingum upp í 776
Skúlaárið 2023/24 eru 39 fólkaskúlar í Føroyum við í alt 7020 næmingum. Helvtin av skúlunum hava færri enn 100 næmingar, og gott helvtin av øllum næmingunum ganga í sjey teimum størstu skúlunum.10.01.2024
Í tveimum teimum størstu skúlunum ganga 1500 næmingar, ella fimti hvør næmingur. Hetta eru líka so nógvir næmingar, sum tað ganga í 26 av smærru skúlunum tilsamans.
Skúlarnir eru býttir um alt landið: 5 eru í Norðoyggjum, 9 í Eysturoynni, 5 í Norðurstreymoy, 9 í Suðurstreymoy, 2 í Vágoynni, 4 í Sandoynni og 5 í Suðuroynni.
Talið av fólkaskúlum er minkað støðugt seinnu árini. Seinastu 10 árini er talið av fólkaskúlum minkað við 8, úr 47 skúlum í 2013 til 39 skúlar skúlaárið 2023/24.
Tveir skúlar er einsamallir á oynni, tað eru Nólsoyar skúli og Húsar/Syðradals skúli. Tað hevur eisini verið skúli í Fugloy, men skúlaárið 2023/24 eru eingi børn í skúlaaldri á oynni.
