Tíðindi

Eftirløntir lærarar hittast í Alta í juni

Afturvendandi pensjónistatreffið hjá lærarum, NPT (Nordisk Pensionisttræf), verður í Alta í døgunum 15.-19. juni í ár

11. mars 2020

Summarskeiðið NPT (Nordisk Pensionisttræf) fyri eftirløntar lærarar í ár verður í Alta, sum er størsti býurin í Finnmørkini. Býurin liggur innast í Altafjørðinum. Har búgva gott og væl 20.000 fólk. Síðan Alta fekk heitið at vera býur, hevur hann fingið eyknevnið “norðlýsisbýurin”. Í Alta finnur tú størsta savnið í Norðurevropa av fjallalist, sum veiðifólk hava evnað.

Freistin at tekna seg til pensjónistatreffið í Alta er longu 23. mars. Tíggju luttakarar í Føroya eiga pláss á treffinum; tekna fleiri enn 10 seg, ber til at sleppa við, um færri luttakarar koma úr hinum londunum.

Kostnaður:

Dupultkamar 5.225 kr. fyri hvønn.

Einakamar 7.200 kr fyri hvønn

Goldið skal verða í seinasta lagi 1. mai á kontu hjá Føroya Lærarafelag: 6460 167.005.2. Viðmerkið á flytingina NPT og navn.

Kostnaðurin er fyri mat og gisting allar dagarnar umframt flutning í sambandi við fyriskipaðu útferðirnar. Ferðin frá og til Hotel Scandic Alta er ikki íroknað.   

Teknið tykkum á lararaf@lararafelag.fo

Á tekningini mugu tit upplýsa navn, føðiár, fartelefonnumar, t- postadressu og upplýsingar um viðkvæmi, serkost og annað, ið kann hava týdning.          

Fyrireikararnir í Noregi gera vart við, at tað er ein fyritreyt, at hvør einstakur megnar at ferðast uttan stórvegis hjálp.

                     

 

 

 


Samband

Skúlablaðið

Pedda við Stein gøtu 9

100 Tórshavn

Tel. 23 57 73

Teldupostur: turid@bfl.fo ella skulabladid@lararafelag.fo


2015 © Bókadeildin. All rights reserved.