Stór samrøða er við tríggjar løgtingsmenn, sum eisini eru lærarar. Teir eru á einum máli um, at vit mugu standa saman um fólkaskúlan.
Aðrar samrøður eru eitt nú við Hans Fróða Jensen, lærara, um minecraft í undirvísing, við Jóhann J. Petersen, lærara, um verkliga undirvísing, og við Sigrid Arge og Rannvá Benjaminsen, lærarar, um akkerslæraraleiklutin. Týskt í fólkaskúlanum verður umrøtt í tveimum greinum
Umrøða er av undirvísingartilfari til lærugreinirnar føroyskt og støddfrøði í fólkaskúlanum, og av kanning av, hvørji høvuðsverk flokkarnir í fólkaskúlanum lesa.
Vinnarin av Veðurlagsvirðisløn Føroya Lærarafelags er ein skúli, ið hevur skarað framúr í arbeiðinum at geva børnum og ungum áhuga fyri og innlit í veðurlagsavbjóðingar og loysnir á veðurlagsavbjóðingum.
Tað eru 39 fólkaskúlar í Føroyum í dag; tað eru 13 fólkaskúlar færri, enn tað vóru í 2010. Síðan 2010 er næmingatalið í hvørjum skúla í miðal vaksið við 47 næmingum, frá 133 næmingum í 2010 til 180 í dag.
Les meira
